Uei, lo noste minitèl qu'a desapareishut. Mes exactament, la dauna qu'a decidit de se'n desbarrassar. Que'm cau plan díser que n'a pas jamés tròp servit, enqüèra mens aquests darrèrs vingt ans. Qu'èra un prèst de France-Telecom, que hè dilhèu 25 ans o mes que l'avem, serí pas mei capable de díser despuish quan. Quan la dauna, plan disciplinada, e'u tornè tà l'agencia, la dròlla, bocabadada, que la guaitè ad era dab susprèsa coma si hosse ua extra-terrèstra.
Totun que marchava enqüèra, lo minitèl !!! L'èi verificat. Nat problèma. Aumens a pas acabat a la pobèla casèra. Es dejà quauqu'arren.
2 commentaires:
Tè, lo men, l'èi enqüèra, ne sèi pas tròp on l'èi hicat. Non me'n serveishi pas. Deuré estar esconut a la cava probable...As rason de l'aver tornat, que'm cau hèr çò parièr...
Hilh de puta, la tecnologia que cambia viste!
Praubes minitels, que van acabar a las dèixas...
Enregistrer un commentaire